港男盤點15個A0男特徵：讀IVE、用動漫女角色做頭像 攝影師都中槍？ 仲有一個致命傷！

相信大部分人都渴望拍拖，不過世事豈能盡如人意？近日，一名港男在facebook發帖，盤點了15項A0男的特徵，並以「香港毒男你又中幾多項？」為題詢問網民。此帖一出，不少網民均表示認同，更指其中幾項特別中肯！

A0是指從未拍拖的人士，有不少人都希望擺脫A0之身，最近有港男發帖分享他心目中A0男士的15大共通點。

15個A0男士特徵：

特徵1.屋企管得好嚴幾廿歲仲當佢小朋友

特徵2.運動白痴

特徵3.樣衰但太善良熱情

特徵4.行為怪異無朋友

特徵5.讀IVE或者其他有錢就讀到嘅學店

特徵6.用動漫女角色做頭像，叫啲女角色做自己老婆

特徵7.成屋都氣槍，睇武打電影睇上腦，喺公眾地方打功夫

特徵8.份份工做唔長，成日俾人炒or只能做保安

特徵9.未出過夜街十二點前一定要返屋企

特徵10.冇車牌完全冇接觸過汽車，考都冇考過

特徵11.覺得食煙一定係壞人，見到食煙嘅人就想即轉身走

特徵12.有女仔對佢笑，傾多幾句就以為人地對佢有意思

特徵13.性知識多來自高X同連X或AV 

特徵14.比人掂一掂佢隻手或者關懷佢幾句即刻鍾意人

特徵15.多數係龍友，成日揸支鏡四圍走

網民對A0男特徵意見不一 

樓主指出的15點A0男特徵引來了其他網民點評，除了有一批網民表示認同外，也有人表示：「讀IVE都中槍」、「全中」。

但也有「中槍」的網民說：「講晒我啲特徵出嚟，但係我一年拍幾次拖」，因此只能說證明以上15點是比較不受女性歡迎的特點。

同時也有網民搞笑地為樓主補充第16點，分別是「 迷戀巴士及熟悉晒全港所有路線」、以及「處男」。不過，樓主又總結到有錢才是王道：「欲練神功必先有錢，就算你有100樣缺點，只要有錢，咩女都溝到啦」。